विप्लवको निशानामा जनप्रतिनिधी

पोखरा/ म्याग्दीको बेनी नगरपालिका –२ का अध्यक्ष हिराबहादुर थापालाई नेत्रविक्रम चन्द विप्लव नेतृत्वको प्रतिबन्धित समूहले कालोमोसो दलेर दुर्व्यवहार गरेको छ ।
अध्यक्ष थापालाई विप्लव समूहका केही व्यक्तिहरूले वडा कार्यालयमै बिहीबार दुर्व्यवहार गरेका हुन्। वडामा विभिन्न विकास निर्माणको काममा भ्रष्टाचार गरेको आरोप लगाउँदै उनीहरूले कालोमोसो दलेको बताएइएको छ ।
वडामा आएको बजेट हिनामिना गरेको, राजस्व संकलनमा मनलाग्दी गरेको, आफन्तलाई छुट दिएर अरुबाट कर लिएको भनेर वडाअध्यक्षलाई त्यस्तो गरिएको नेकपाले बताएको छ।