सुनसरी/ मानववेचविखन मुद्धामा फरार एक महिला कारागार चलान भएकी छिन । १ नम्बर प्रदेश प्रहरी कार्यालय मोरङको अनुसन्धान समुहबाट खटिएको प्रहरी टोलीले प्रतिवादीलाई पक्राउ गरेको छ । जिल्ला अदालत सुनसरीको २०७८/०३/२२ गतेको फैसलाले मानव बेचबिखन ओसारपसार मुद्धामा १० बर्ष कैद र ५० हजार रुपैया जरिवाना असुल गर्न बाँकी रहेकी सुनसरी धरान-१६ की ४६ बर्षीया सरिता भन्ने कृष्ण कुमारी लिम्बुलाई आज पक्राउ गरिएको हो । पक्राउ परेकी लिम्बुलाई सुनसरी जिल्ला अदालतबाट कैद भुक्तानको लागि कारागार चलान गर्ने आदेश भएको प्रहरीले जनाएको छ ।
