दमक/ इलामको सुर्याेदय नगरपालिका वडा नं ७ पाल्टाङगस्थित मेचीराजमार्गमा बिर्तामोड बाट इलाम तर्फ आउदै गरेको मोटरसाइकलमा सवार एक जनालाई ट्रकले किच्दा घटनास्थलमै मृत्यु भएको छ ।
सोमबार करिब साढे ११ बजे प्र१–०१–०१८ प १५२० नम्बरको मोटरसाइकलको पछाडी सवार विर्तामोड ५ का ५० बर्षिय मनोज चौधरीको मृत्यु भएको हो ।
मोटरसाइकलका चालक बिर्तामोड ५ बस्ने तिङ्कु साहुले ब्रेक लगाउने क्रममा लडेका चौधरीको विपरित दिशाबाट आइरहेको ट्रकले किच्दा घट्नास्थलमा मृत्यु भएको ट्राफिक प्रहरीले जनाएको छ । ट्रक चालक पाँचथर हिलिहाङ गा.पा. ७ का ३० बर्षिय हरी नारायण सुवेदीलाई प्रहरीले नियन्त्रणमा लिएको छ ।
