पौड्याल वंशोद्धार जिल्ला समिति झापाको चौथो जिल्ला अधिवेशनको उदघाटन कार्यक्रममा शनिबार ज्येष्ठ पिताको सम्मानबाट सम्मानित हुँदै दमक ३ निवासी ९६ बर्षीय हरिनारायण पौडेल ।
विसं १९८६ मा ताप्लेजुङको फुङलिङ २ सिम्लेमा जन्मिएका पौडेल लामो समयदेखि दमकमा स्थायी बसोबास गर्दै आएका छन् । पौड्याल वंशको उत्थान र समाजको हितमा उनको योगदानको कदर गर्दै ज्येष्ठ पिताका रुपमा सम्मान गरिएको हो ।
उहाँसँगै सक्रिय बन्धुहरु तर्फ विर्तामोड ९ निवासी बिष्णुप्रसाद पौड्याल, सञ्चार तर्फ मेची नगर निवासी दिपेन्द्र पौड्याल, ज्येष्ठ आमा तर्फ भद्रपुर ७ निवासी राधा पौड्याललाई पनि सम्मान गरिएको छ । उहाँहरुलाई पौडेल वंश महासंघका संस्थापक अध्यक्ष लोकनाथ पौड्यालको प्रमुख आतिथ्य र वंशोद्धार जिल्ला समितिका अध्यक्ष कमल पौडेलको सभापतित्वमा आयोजित कार्यक्रमबीच सम्मान गरिएको हो ।
