दमक/ दमक ९ क्याम्पसमोड नजिकै स्वस्तिक थुक्पा उद्योग र सँगै जोडिएको उद्योगका सञ्चालक पदम भण्डारीको घरमा शुक्रबार बिहान भएको आगलागीका कारण एक करोड ३० लाख रुपैयाँ बराबरको धनमाल नोक्सान भएको छ । बिहान अन्दाजी ०९ः४५ बजे भण्डारीले संचालन गरेको उद्योगमा बिद्युत चुहावट भई आगोलागी हुँदा उद्योग र सँगै रहेको तीन तले पक्की घर पुर्ण रुपमा जलेको छ । जिल्ला प्रहरी कार्यालय झापाका अनुसार सो घटनामा एक करोड ३० लाख रुपैयाँ बराबरको क्षति भएको प्रारम्भिक विवरण छ ।
आगोलागी दमक नगरपालिका, कमल गाउँपालिका, उर्लाबारी नगरपालिका , गौरादह नगरपालिका पथरी शनिश्चरे नगरपालिका र शिवसताक्षी नगरपालिकाबाट समेत आएको अग्नी नियन्त्रकसहितको वारुण यन्त्रको सहायताबाट करीब साढे ११ बजे निभाइएको थियो ।
