दमक / झापाको दमक २ पाङगीन चोकमा यात्रुबहाक बस अनियन्त्रित भई दुर्घटना हुँदा एक जनाको मृत्यु हुनका साथै २१ जना घाईते भएका छन् ।
बा.२ ख १९८३ नम्बरको मगर समुदायको हुर्रा नाच का यात्रु बोकेको बस गएराति करिब ११:३० बजे दमक–२, पाडेनी चौकमा अनियन्त्रित भई दुर्घटना भएको हो।
दुर्घटनामा मिक्लाजुङ–३, टाँडी धोबेनी लक्की चौक निवासी ३६ वर्षीय भीम बा. मगर (ठाडा कान्छा) को उपचारको क्रममा मृत्यु भएको टाँडी प्रहरी चौकीका इञ्चार्ज ईन्द्र राईले जानकारी दिनुभयो।
बसमा जम्मा ३५ जना सवार रहेका थिए . उनीहरु सबै मिक्लाजुङ ३ का बासिन्दा हुन् ।
दुर्घटनामा २१ जना घाइते भएका मध्ये २० जना उपचारपछि डिस्चार्ज भएका छन् भने १ जनाको दमकस्थित आम्दा अस्पतालमा जारी रहेको प्रहरीले जनाएको छ। https://www.nishkarshanews.com/wp-content/uploads/2025/10/571936878_25439465902311947_8584676698201198021_n.mp4
