शिबगञ्ज/ कुशे औशी र हरितालिका तीज दुवै पर्वलाई झापाको शिवसताक्षी नगरपालिका वार्ड नम्बर ६ वडा कार्यालयले सामान महत्व दिँदै सामूहिक रुपमा मनाएको छ । यस अवसर पारेर शुक्रबार शिबगञ्जमा ज्येष्ठ नागरिकलाई सम्मान तथा सामुहिक दर खुवाउँदै शुभकामना आदान प्रदान गरिएको हो ।
वडा कार्यालयले दुई सस ५० जना बुबाहरुलाई टोपी लगाएर सम्मान गर्नुका साथै आमा दिदीबहिनीहरुलाई सामुहिक दर खुवाउने व्यवस्था मिलाएको हो ।
वडाध्यक्ष मनोज खुलाल कार्कीको अध्यक्षतामा र नगर प्रमुख मेघाहाङ (रोशन) थोप्राको प्रमुख आतिथ्यतामा वडा कार्यालय परिसरमा आयोजित कार्यक्रममा नगर प्रमुख थोपाले नेपाली समाजमा सवै खाले चार्डपर्वको आ–आफ्नै अर्थ, महत्व, गरिमा र धार्मीक तथा साँस्कृतिक पक्षहरु रहेको बताउनुभयो ।
नगर प्रमुख थोप्राले कुशे औशीमा बुबाप्रती श्रद्धासम्मान र हरितालिका तिजको महत्व, अर्थ, गरिमा र धार्मीक तथा साँस्कृतिक मूल्य र मान्यताहरु रहिआएको बताउनुभयो ।
कार्यक्रममा नगर प्रमुख थोप्राले हरितालिका तीजमा महिला दिदीबहिनीहरुले स्वतन्त्रता, अधिकार, एकता, धार्मीक र साँस्कृतिक शक्तिको रुपमा लिनुपर्नेमा जोड दिनुभयो ।
कार्यक्रममा कनकाई नहर सिचार्इँ व्यवस्थापन समितिका अध्यक्ष कमल भण्डारी, शिबगञ्ज बहुमुखी क्याम्पसका अध्यक्ष मिलनकुमार ढुंगानासहित सामाजिक राजनीतिक अगुवाहरूको विशेष उपस्थिति रहेको थियो ।
सो अवसरमा जन आदर्श माध्यमिक विद्यालयकी विद्यार्थी प्रजिता भण्डारीले तीजसम्बन्धि कविता बाचन गरेकी थिइन् । वडा कार्यालयकी कर्मचारी समिक्षा भेटुवालले तीज गीतमा नृत्य प्रस्तुत गरेका थिइन् ।
त्यस्तैं, जन आदर्श माध्यमिक विद्यालयका स्काउट विद्यार्थीहरुले स्वागत गीत नृत्य मार्फत कार्यक्रमलाई मनोरञ्जनात्मक बनाएका थिए ।
कार्यक्रममा वडाध्यक्ष कार्कीले वडावासीको समस्या, सेवासुविधा, विकास र संमवृद्धिका लागि वडा कार्यालयले नीतिगत योजना र कार्यक्रमहरु ल्याइरहेको बताउनुभयो ।
वडाध्यक्ष कार्कीले वडाभित्र मुख्यगरी शिक्षा, स्वास्थ्य, कृषि, सडक, सुरक्षा, पूर्वाधार र सशक्तिकरणतर्फ समुदायतर्फ खर्च गरिरहेको जानकारी दिनुभयो ।
त्यसक्रममा वडा अध्यक्ष कार्कीले आजको शिबगञ्ज निर्माणमा विभिन्न समयमा निर्वाचित जनप्रतिनिधिहरु, बुद्धिजीविहरु, सामाजिक तथा राजनीतिक अगुवाहरु र पेशाकर्मीहरुप्रति आभारसहित कृतज्ञता प्रकट गर्नुभयो ।
