दमक/ दुर्घटनामा घाईते भएका झापाको कमल ६ का एक युवकले घाँटीमा लगाएको सुनको सिक्री चोरी गर्ने शिवसताक्षीका दुई युवा पक्राउ परेका छन् ।
प्रहरीका अनुसार गत श्रावण २९ गते कमल ६ का ३० बर्षिय मनोज लिम्बु दोमुखाबाट घर फर्किने क्रममा झिलझिलेमा स्कुटर दुर्घटना भएर लडेका थिए ।
उनको साथबाट सुनको सिक्री र नगद समेत हराएको थियो ।
सुनको सिक्री हराएको बिषयमा उनले दिएको निवेदनपछि दुर्घटना लगत्तै उनको उद्धार कार्यमा संलग्न शिवसताक्षी ८ झिलझिलेका २८ बर्षिय सुरज हलुवाई र २६ बर्षिय गोविनहाङ लिम्बुलाई खोजी गर्ने क्रममा ३९ ग्राम २२ मिलिग्राम सुन र नगद ३० हजार बरामद गरी नियन्त्रणमा लिइएको जिल्ला प्रहरी कार्यालय झापाले जनाएको छ ।
