विराटनगर/ इलामको माईजोगमाई गाउँपालिका–२ का २३ बर्षीय प्रकाश चापागाईलाई धारिलो हतियार छुरा प्रहार गर्ने र उनका दाजु ३२ बर्षीय निरोज चापागाईलाई घाईते बनाउने सुर्याेदय नगरपालिका–१ का ३३ बर्षीय किरण शेर्पालाई प्रहरीले पक्राउ गरेको छ ।
प्रहरीका अनुसार असार ३२ गते राती सुर्याेदय नगरपालिका–१ स्थित ससुसाली घरमा आएका माईजोगमाई गाउँपालिका–२ का निरोज चापागाई र उनका भाई प्रकाश चापागाईलाई सुर्याेदय नगरपालिका–१ का किरण शेर्पाले सामान्य वादविबादको क्रममा छुरा प्रहार गर्दा प्रकाशको घटनास्थलमानै मृत्यु भएको थियो । घटनामा निरोज गम्भिर घाईते भएका थिए ।
घाईते निरोजको बीएण्डसी अस्पताल बिर्तामोडमा उपचार भईरहेको छ । घटनापछि फरार भएका शेर्पालाई बिहिबार सुर्याेदय नगरपालिका–१ मानेभञ्ज्याङबाट प्रहरीले पक्राउ गरेको हो । पक्राउ परेका शेर्पाको कर्तव्य ज्यान कसुरमा इलाका प्रहरी कार्यालय पशुपतिनगरबाट थप अनुन्सधान तथा कानूनी कारवाही भईरहेको कोशी प्रदेश प्रहरी कार्यालय विराटनगरले जनाएको छ ।
