दमक/ झापाको भद्रपुर र विर्तामोडमा आज साँझ भएका अलग अलग घट्नामा दुई जनाको मृत्यु भएको छ ।
भद्रपुरमा पर्खालले थिचेर एक जना मजदुरको ज्यान गएको छ भने विर्तामोडमा आफ्नै निर्माणाधिन घरमा पानी लगाउने क्रममा करेन्ट लागेर एक जनाको मृत्यु भएको छ ।
आइतबार करिब ४ बजे गते भद्रपुर नगरपालिका वडा नं ६ राधाकृष्ण टोलमा सघन सहरी भवन निर्माण बिभागको नालाको काम गर्ने क्रममा ईन्द्र राउतको घरको कम्पाउण्डमा लगाएको पर्खाल लडेर यज्ञ निर्माण एण्ड सप्लायर्स प्रा.लि. ले नालाको काम गर्न खटाएका कामदार बिर्तामोड .९ लक्कीबारीका ३५ बर्षिय लक्ष्मण कामतको मृत्यु भएको हो ।
पर्खालले थिभेर गम्भिर घाईते भएका कामतको प्रादेशिक अस्पताल भद्रपुर मा उपचारको क्रममा ५ बजे चिकित्सकहरुले मृत घोषणा गरेका जिल्ला प्रहरी कार्यालय झापाले जनाएको छ । त्यसैगरी आइतबार राती ८ बजे बिर्तामोड १० पथरभिट्टामा ५३ बर्षिय पुष्प पोखरेलको करेन्ट लागेर मृत्यु भएको छ । आफ्नो नयाँ बनाउँदै गरेको घरमा पानी हाल्नको लागि मोटर जोड्ने क्रममा अचानक करेन्ट लागेर घाईते भएका पोखरेलको उपचारको लागि छिमेकी भवानी घिमिरेले बिएण्डसी अस्पताल बिर्तामोड लगेका थिए । उनलाई तत्कालै डाक्टरले मृत घोषणा गरेका प्रहरीले जनाएको छ । मृतक पोखरेल निर्माणाधिन सो घरमा एक्लै बस्ने गरेका र उनका परिवार पाँचथरमा बस्दै आएकाले परिवारलाई घट्ना बिषयमा जानकारी गराइएको छ ।
