दमक/ पतञ्जली योग साधना केन्द्र अन्तर्गत एभरेष्ट योग साधना केन्द्र दमक–८ ले आफ्नो दोस्रो बार्षिक उत्सव सम्पन्न गरेको छ ।
योग ध्यान र प्रणायामको माध्यमबाट शरीरलाई स्वस्थ्य राख्नकै लागि नियमित योग साधना गर्दै आएको यो साधना केन्द्रले यसै वर्ष सह योग शिक्षक तालिम लिने २४ जना साधक साधिकालाई खादा माला टिका सहित प्रमाण पत्र बितरण गरेको छ ।
कार्यक्रममा पतञ्जली प्रदेश सदस्य मिना कोईराला,जिल्ला उपाध्यक्ष शुशिल निरौला,दमक नगर अध्यक्ष दुर्गा प्रसाद भण्डारी लगायत प्रदेश जिल्ला र नगर समितिका सदस्य लगायत साधना केन्द्रका संयोजक र सदस्यहरुको उपस्थिती रहेको थियो ।
दमक नगर पालिका वडा नं ८ का कार्यबाहक वडा अध्यक्ष खेम बहादुर श्रेष्ठको प्रमुख आतिथ्यतामा भएको कार्यक्रममा पतञ्जली नगर समितिका अध्यक्ष दुर्गाप्रसाद भण्डारी र महिला समिति अध्यक्ष उमा पाठकले शुभकामना मन्तव्य राखेका थिए ।
साथै उक्त साधना केन्द्रले भिमप्रसाद सुवेदी संयोजक रहने गरि ११ सदस्यीय नयाँ कार्य समिति समेत गठन गरेको छ ।
