दमक नगपालिकाको स्वास्थ शाखाले आज नगरपालिका परिसरमा सर्वसाधारणका लागि प्रोष्टेडको निशुल्क परीक्षण शिविर सम्पन्न गरेको छ । शिविरमा ९५ जनाले प्रत्यक्ष लाभ लिएका छन्।
शिविरमा आएका ९५ मध्ये १६ जनामा कडा खालको क्यान्सरको लक्षण र १४ जनामा कडा खालको प्रोष्टेड बढेको पाइएको छ । नगरपालिकाका स्वास्थ शाखा प्रमुख ब्रजेश मेहताले पछिल्लो समयमा उमेर बढे सगै पुरूषहरुमा प्रोस्टेड को समस्या बढ्दै गएको र यसले पुरुषहरुमा क्यान्सरको जोखिम बढाएको जानकारी दिए । उनले शिविरमा आएका थप उपचार आवश्यक देखिएका बिरामीलाई उपचारका लागि माथिल्लो निकायका अस्पतालमा सिफारिस गरिने बताए । यस अघि दमक ३ र ५ मा यस किसिमको शिविर सञ्चालन गरिएको थियो ।
