दमक/ एकपछी अर्को गर्दै सेवा विस्तार गरिआएको झापाको दमकस्थित दमक अस्पतालमा थाइराईड ग्रन्थीको सफल शल्यक्रिया गरिएको छ ।
अस्पतालको बहिरंग सेवाका लागि नाक, कान र घाँटी रोग सम्बन्धिको विभागमा श्वास प्रश्वास सम्बन्धि समस्या लिएर आएकी इलाम माङसेबुङकी २७ बर्षिया महिलाको थाइरोइड ग्रन्थीको सफल शल्यक्रिया गरिएको हो ।
बिगत एक वर्षदेखि घाँटीमा गाठो पलाएर खान र श्वास फेने अप्ठ्यारो हुने समस्या लिएर आएकी ति महिलालाई नाका, कान , घाँटी रोग विशेषज्ञ डाक्टर प्रवेश कार्की नेतृत्वको टिमले सफल शल्यक्रिया गरेको अस्पतालका प्रशासन प्रमुख डा. अनुपम घिमिरेले जानकारी दिए ।
पछिल्लो समय दमक अस्पतालमा नाक, कान, घाँटी रोग, प्रसुति तथा स्त्रीरोग, हाड जोर्नी तथा जनरल सर्जरी बिभागको शल्यक्रिया नियमित रुपमा सञ्चालन भइरहेको छ । अस्पतालमा दैनिक एक हजार भन्दा बढीले विभिन्न विशेषज्ञ डाक्टरहरुबाट नियमित ओपिडी सेवा लिने गरेका छन् ।
सो अस्पतालमा सेवाग्राहीको चाप दिनदिनै बढेपछि सहजताका लागि टोकन प्रणाली लागू गरिएको छ । बिरामीहरुलाई तत्काल आउन सक्ने ल्याब सेवाको रिपोर्ट तत्कालै उपलब्ध गराउने प्रणालीको बिकास गरिएको छ । चुस्त व्यवस्थापनका कारण यो अस्पतालबाट झापाको पश्चीमि भुगोलका साथै पूर्वी मोरङ, इलाम, पाँचथरका सर्वसाधारणले स्वास्थ्य बीमा कार्यक्रमसहितको सेवा लिने गरेका छन् ।
