मधेश प्रदेशका मुख्यमन्त्री सतिशकुमार सिंहले विश्वासको मत लिँदैछन् । विश्वासको मत लिन आज बिहान ११ बजे प्रदेश सभा बैठक बोलाइएको प्रदेशसभा सचिवालयले जनाएको छ ।
गठबन्धन फेरिए पनि एमालेले विश्वासको मत दिने भएको छ । एमाले मधेश प्रदेश सभाका प्रमुख सचेतक हरिनारायण महतोले जनमत पार्टीको नेतृत्वको सरकारलाई विश्वासको मत दिने जानकारी दिए ।
मधेशमा जनमतका १३सहित एमालेका २५, कांग्रेसका २२, जसपा नेपालका १९, माओवादी केन्द्रका ९, लोसपाका ८, नेकपा एसका ७, राप्रपा, नागरिक उन्मुक्ति पार्टी र नेपाल संघीय समाजवादी पार्टीका १-१ गरी १०६ जना सांसद छन् । सरकार टिकाउन ५४ जना प्रदेशसभा सदस्यको समर्थन चाहिन्छ ।
