काठमाडौं/ ललिता निवास जग्गा प्रकरणमा जोडिएका थप तीन जना आरोपी पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी) ले आइतबार बाबुराजा महर्जन, घमनकुमार कार्की र शिवजी भट्टराईलाई पक्राउ गरेको हो ।
महर्जन नक्कली मोही, भट्टराई कामनपा ४ का तत्कालीन वडासचिव (हाल महानगरका अधिकृत) र कार्की नापी कार्यालयका कर्मचारी थिए । कार्कीले माधवकुमार नेपाल प्रधानमन्त्री हुँदा बालुवाटारको विशिष्ट व्यक्तिको निवास विस्तारका क्रममा सरकारी जग्गा नरहेको भनेर सिफारिस गरेका थिए ।
यसअघि प्रहरीले गत मंगलबार पूर्व निर्वाचन आयुक्त सुधीरकुमार शाह, भाटभटेनी सुपरमार्केटका सञ्चालक मीनबहादुर गुरुङ, मालपोतका तत्कालीन कर्मचारी धर्मप्रसाद गौतम र गोपाल कार्कीलाई पक्राउ गरेको थियो । उनीहरु अहिले अनुसन्धानका लागि सात दिने हिरासतमा रहेका छन् । यो जग्गा प्रकरणमा ४०६ जना जोडिएको बताइएको छ । प्रहरीले अनुसन्धान जारी रहेको जनाएको छ । मंंगलबार पक्राउ परेका अन्य तीन जना भने सर्वोच्च अदालतबाट पहिले नै स्टे अर्डर लिएर बसेकाले सोही दिन नै छुटेका छन् ।
निष्कर्ष न्युज झापाको दमकबाट निष्कर्ष मिडिया प्रा.लि. द्वारा सञ्चालित एक विश्वसनीय अनलाइन समाचार पोर्टल हो। डिजिटल प्लेटफर्मका साथै हामीले 'निष्कर्ष साप्ताहिक' पत्रिका मार्फत पनि पाठकहरूसामु सत्य, तथ्य र निष्पक्ष सूचना निरन्तर सम्प्रेषण गर्दै आइरहेका छौँ।
Nishkarsha News
