काकडभिट्टाबाट हिडेको बस र ट्रक ठोक्किदा आगो लाग्यो , तीन जनाको मृत्यु ,१३ घाइते

Nishkarsha News

२०७८ माघ २२, शनिबार १०:०१

काठमाडौं/ शुक्रबार सुनसरीको लौकहीमा स्थित खुनिया पुलमा बस र ट्रक एक आपसमा ठोकिएर आगलागी हुँदा ३ जनाको मृत्यु भएको छ ।  घटनामा १३ जना यात्रु घाइते भएका छन् । गएराति साढे ७ बजे काकडभिट्टाबाट काठमाडौं हिडेको ना ८ ख ८४९३ नम्बरको यात्रुबाहक बसले पूर्वतर्फ आउँदै गरेको ना ५ ख २९९६ नम्बरको ट्रकलाई ठक्कर दिदा आगलागी भएको हो । आगलागी हुँदा बसमा बढी क्षति भएको जिल्ला प्रहरी कार्यालय सुनसरीले जनाएको छ । घाइतेलाई उद्धार गरी अस्पताल पुर्याइएको छ । प्रहरीले २ घण्टाभित्र आगो नियन्त्रणमा लिएपनि बस पूर्ण रुपमा जलेर नष्ट भएको छ ।

समाचार शेयर गर्नुहोस्

𝕏